9/6/17

La Serena

































"LA  SERENA"



Veriquina la playa,
en delles nueches de lluna enllena,
siéntese, seliquino,
el canciu melgueru d'una serena
que namoró a un marineru
que la sintiere canciar
cuando'l so barcu veleru
tornaba un día de la mar.

Veriquina la playa,
en delles nueches de lluna enllena,
siéntese, seliquino,
el canciu melgueru d'una serena.


Y diz la xente del puertu
que la serena la mar
fai d'amores prisioneru
al que la siente canciar.

Veriquina la playa
en delles nueches de lluna enllena,
cuénta-y los sos amores 
el marineru a la serena.

Débese a "Xentiquina" y a Nacho Fonseca

Munches gracies


















El coche'l maestru.

































"El coche'l maestru"




Va tiempu que nun se ve
en pueblu cacharru tal.
Pol ruíu paez un avión
y pol fumu un calamar.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.

Nun tien un torniellu bien,
falta-y una puerta atrás,
Y milagrosu paez
qu'esi trastu puea andar.

El coche'l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.


Frénalu sacando un pie,
tamién-y falta un cristal;
va tiempu que nun se ve
en pueblu cacharru tal.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.

El coche’l maestru tien más años yá
que la campanona de la catedral.
Nin frena, nin pita, nin tien marcha atrás,
y el gatu ye un gatu miagar.


Débese a "Xentiquina" y a Nacho Fonseca

Munches gracies




8/6/17

"El dinosauriu, el príncipe, la nena y la so ma" Primer nivel.












Esti cursu 2016-17 nun se celebraren les "Xornaes de la Llingua y Cultura Asturianes de la Fastera Oeste de Xixón" coles sos actividaes pa escolinos y non escolinos,  nin tampocu'l  concursu lliterariu na nuesa Llingua Asturiana "María Teresa González" como venía faciéndose dende antañu en bien d'ocasiones y con munchu ésitu y sonadía ente escolinos, colexos y la xente estos barrios de Xixón.

Nos, decidimos facer parte les actividaes d'un mou bien modestu tal como si les Xornaes y el Concursu Mª Teresa siguieren y tamién como mediu de reclamar el sitiu, les feches, la presencia y el llugar que bien teníamos ganaos nestos barrios de Xixón dempués tantos años.

Con esto tratamos de facenos bien visibles y que too ello vuelva tornar al so sen. Entiendo que nun tien sintíu facer desapaecer una actividá con tantu ésitu participación de los colexos, escolinos y non escolinos, col apoyu y gabitu de la xente los barrios onde tamos. 
Güei pídovos tol apoyu posible pa encaminar too esto y que pal cursu 2017-18 tengamos unes Xornaes y un Concursu lliterariu "Mª Teresa González" con tol puxu y ganes posible.
Gracies

Robra: Santiago Cubillas Alonso





https://photopeach.com/album/ff4ov5




https://photopeach.com/album/tf9oaw











  • El llibrín. El cómic:








http://www.calameo.com/read/001789204694b0a1855bf











  • La Galería d'Artistes. El Muséu:


















https://drive.google.com/file/d/0B0H8BMG25lvSNUdvZk9lU1hhbDQ/view
https://goo.gl/RhA2wV





https://drive.google.com/file/d/0B0H8BMG25lvSNUdvZk9lU1hhbDQ/view

https://goo.gl/ccaqr1











  • L'aventura:
http://elblogdellingua1.blogspot.com.es/2017/03/un-cuentu-con-dinosauriu.html
https://goo.gl/QhiWU1



La otra tabla
















https://goo.gl/oxfkla



"La otra tabla"




Nun ye que me preste muncho
dir tolos díes a la escuela,
anque pue pasar
lo de dibuxar,
facer la ximnasia y canciar.


Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.


Sé la capital de Francia,
sé que da llana la oveya,
lo que ye un raitán
lo que ye un volcán
y qu'un panaderu fai pan.

Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.

Pero esi rollu de llevar
pa multiplicar
ye que me trai de cabeza:
que si de venti lleves dos,
de trenta lleves tres
y yo siempre lo faigo al revés.




Débese  a  "Xentiquina" y a Nacho Fonseca

Gracies







5/6/17

A la Lluna, Lluna.













http://fandeloup.f.a.pic.centerblog.net/076e15dd.jpg




"A la Lluna, Lluna"


A la Lluna, Lluna,
farolín del cielu,
cánta-y cantarinos
de nueche un lluceru.
A la Lluna, a la Lluna.

A la Lluna, Lluna,
de la nueche clara,
viola un marineru
bañase na playa.
A la Lluna, a la Lluna.

A la Lluna, Lluna,
carina de plata,
cañícala'l ríu
de nueche nel agua.
A la Lluna, a la Lluna,
a la Lluna, a la Lluna.


Gracies a "Xentiquina" y Nacho Fonseca






Güei ye'l Día'l Mediu Ambiente.


























Güei ye'l "Día'l Mediu Ambiente"... ye'l día p'acordase de que tenemos que caltenela y valorar les coses que nos ofrez ¡casi ná! y... un montonáu de coses más que son perimportantes como que sin ella nosotros non taríamos equí y que si non miramos por ella sufriríamos muncho o pue ser que la raza humana desapaecería, eso sí, enantes sufriríamos los desastres de la ñatura nel propiu pelleyu.


"Bufones"

Resulta que falamos dello pero... pocu remediu solemos pone-y. Resulta que tenemos la suerte de vivir nuna tierra privilexada, na menos que nel "Paraísu natural".

Ye por ello que somos nosotros (sí, tú yo y los demás) los que tenemos que preocupanos de curialu y mirar por ello, pola nuesa tierrina (Asturies) y eso faése dende non tirando la basura namás que nos sitios pa ello a caltener les viesques, a dar a conocer la nuesa tierra a.... ¡tal montonáu de coses que somos quién! porque con cosuques bien chicas  sedremos quien facer coses bien grandes.
Pastores del Puertu. Parque Nacional Montaña Cuaonga-Picos d'Europa

Les persones que viven nesti entornu son los más sabios y los que caltienen too esto. Precisen que-yos echemos un gabitu.




Nun podemos escaecenos que'l sitiu onde vivimos ye envidiáu por tol mundu, munches destes persones dempués conocénos vienen vivir pal nuesu "paraísu".





Asina que, aprovechando que güei ye'l día de la Tierra, non tá de más que vos recuerde too esto y que caún o caúna de vosotr@s faiga tamién algo por too ello.

Robra:















Un chinu de China.





































"Un chinu de China"



Un chinu de China
inventó un robó   
que dexa la casa
llimpia como’l sol.

Frega la cacía
y nun pon mandil,
tu seques un platu
y él seca diez mil.

Fai les cames, plancha,
barre'l comedor,
anda como un tiru
y nun tien motor.

Entrugué-y al chinu
si vendía'l robó
y mui educáu,
díxome que non.

Un chinu de China
inventó un robó   
que dexa la casa
llimpia como’l sol.

Débese a "Xentiquina" y Nacho Fonseca



Pallabreru:

La cacía: vasos, cazos, platos, cuyares, ....etc... que faen el serviciu nuna cocina pa la casa.


3/6/17

Trabayando Llingua Asturiana col cómic Mafalda en cuartu cursu.














Col motivu de la Selmana de les Lletres Asturianes y yá qu'esti añu nun se ficieron les "Xornaes de la Llingua y Cultura Asturianes de la Fastera Oeste de Xixón" nin tampocu'l "Concursu lliterariu Mª Teresa González", pusimos enfotu  y l'esfuerzu en nesti llabor como si  hubieren estes Xornaes.

Nestos llabores tratamos tamién de recuperar esi espaciu perdíu nel que los nuesos escolinos enseñaben a los demás y compartíen la lliteratura y los trabayos que creaben.

Facémoslo amás visible del únicu mou que nos queda o nos dexen, esti, el dixital. Antañu había sidu l'Atenéu Obreru de la Calzada onde se facíen públiques toes estes actividaes y onde s'aconceyaba too; güei, quédanos namás esti mou.

Nun me queda más que dicir qu'esti maestru tá más qu'interesáu que too esto se recupere pal cursu viniente y que trato d'atopar apoyos y gabitos pa recuperar esta actividá que yera bien arriquecedora pa tola zona Oeste de Xixón pero, sobremanera, pa los  escolinos. Gracies

Santiago Cubillas










http://www.calameo.com/read/001789204e3f7a38a95eb






25/5/17

I concursu Hestories Piquiñinas "Manolo Farpón"
















Norabona a tolos que participaren nesti concursu, n'especial a tolos escolinos que trataren col so inxeniu y trabayu de facer hestories bien prestoses.
























24/5/17

Les abeyes


























"Les abeyes"

Por " Petit Pop"           












http://www.educaplay.com/es/recursoseducativos/2347304/les_abeyes.htm





"Petit Pop" ye un grupu musical por Mar, Cova, Pedro y Lara dende 2010.





¡Esti perru ye un pocu... traviesu!

¿A ti que te paez?