Celia, de cuartu A, cuntónos -perbien cuntau, por ciertu- el so fin de selmana. Resulta que viaxó hasta Soria onde tuvo ocasión de dir a la gueta de setes.
Ye por ello polo qu'apórtanos níscalos pa la esposición de frutos de la seronda y tráxonos un llibru de setes d'Asturies.
Enseñónos unes setes pervenenoses: la "Amanita Muscaria".
Desplicónos les partes de la seta y... un motonáu de coses más
Amás, cuntonós que na so familia cocinen perbién les setes pero que a ella non-y gusten ni un plizcu.
A mín, que queres que vos diga... gústanme un montonáaaaau, y los níscalos como traxo Celia.... enforma.
Ye por ello que, daqué vez, encargo-y al Demoniu Manegueru vaya a la gueta delles. Alluego... póngome'l gorru de cocineru y convídolu a una bona xinta.
La verdá ye que resultó perinteresante tolo que cuntaste y ¡fecístelo perbién!
¡Norabona!
Dizme'l Demoniu Manegueru que la vez viniente quier dir contigo por elles. Yo dígote que non-y faigas casu porque lo que quier saber ye... onde tan les setes pa colar elli con elles. ¡Ye un pocu "tramposu"!
Dizme tamién que... na ocasión viniente, que nos traigas daqué. Apetez-y facete una entrevista dello (n'asturianu), asina que a ver si t'animes a ello.
Si quiés ver la segunda parte.... calca enriba nestes lletres.
Si quiés ver la segunda parte.... calca enriba nestes lletres.
