31/10/12

Les castañes















Amanda de terceru A apúrrenos un garrapiellu castañes bien bones.
De pasu cúntanos que ye eso de "dir a la gueta".




Prestónos un montón. ¡Munches gracies!

30/10/12

La calabaza











Deva tráxonos pa la esposición de la clas una calabaza pa Tolos Santos y Difuntos. 

¡Vaya medrana que da!

Gracies pol aporte Deva y por compartilo con toos.


¡Ya ta equí!



¡Hmmmmm....!          ¡Ya ta equí!

L'home llobu ta per equí.

A ver si yes quien a entender lo que diz, Santiago nun lo entiende y .... el Demoniu Manegueru ta desapaecíu porque tien tantu mieu que cada dos por tres tien que mudáse de calzones... ¡Sedrá cagica!.

Buenu, tu yes valiente y sedrás quien a entender lo quediz esti personaxe porque lo que ye Santiago nesta ocasión... ¡nada de nada!




A la gueta











Elisa de quintu B apúrrenos les castañes tras dir a la gueta.

Resulta un trabayu esmolecedor... sobre too si Santiago te fae entrugues al casu.



Mui bien y munches gracies Elisa

29/10/12

Cosadielles, Refranes, Aldivinances...










Entamamos güei con una estaya de la que falamos en clas. Pa ello preciso qu'entaméis a entrugar sobre ello o tamién en discurrir vosotros n'alguna.

¡Claru que sí!

¿Qué ye que non teneis intelixencia suficiente pa inventar o discurrir vosotros parte d'ellas?

Yo creo que sois de sobra quien a ello.

Cuando tengaes dalguna fecha...ya sabeis lo que tenes que facer.

Pídovos atención nuna cosuca: dalguna delles tan encaminaes a los escolinos de primeru y segundu, por ello, los mayores non deis la solución a elles y dedicaivos a les vuestres. Gracies.

Cosadielles

¿Qué cosa cosadiella ye una cosa que
tien la collor de l'ablana,
ablanes xinta tamién;
blincando de rama en rama, 
esguilar failo perbién?.

(Esta ye pa primeru y segundu)


Estes vinientes son pa tolos cursos:

¿Qué cosa cosadiella ye
una capiellina blanca
ensin puerta ni tranca?


 ¿Qué cosa cosadiella ye
una tabliquina 
mui atablicada
siempre ta a techu
y siempre ta moyada?

Refranes

Les vaques en castañéu y les castañes nel cestu.

Per San Mateo les ñozales apaleo

Per San Miguel la llana, la toñada y el miel.

Per Tolos Santos la ñeve pelos cantos y per San Andrés a la puerta la ves.

Setiembre ye un mes galanu pal llabraor asturianu.

Nunca llovió que nunca abocanara.


¡Que vos preste!

Biodiversidá n'Asturies,


N'Asturies tenemos dalgunos animalinos con guapura en forma y mui curiosos.

¿Sedrás quien a conocélos? Has d'investigalo y descubrir cúal dellos ta escondíu nesti puzzle.





¡Espantible!










"Les Hermanes de Xixón": Novorossiysk 1.(Новороссийск). 1.

Novorossiysk (Новороссийск) ye una ciudá, que como acolumbramos ye apaecía a Xixón, muncho más de lo que creyeramos.





26/10/12

¡Collores y... un cuentu!


Paez ser que'l Demoniu Manegueru ta güei de bon talante y... dio-y polos collores.

Asina que Santiago poco tien que facer cuando se pon asina. 


Encomendo-y que vos pusiera esti video tan prestoso sobre los collorinos.

(Paezme que-y prestaron les semeyes que dibuxastes de Tolos Santos..)

¡Que vos preste!



El faru d'Iyán. Estaya 3






Bandera, himnu y escudu d'Asturies.














Estos son los nuesos símbolos, los de la nuesa tierra y cultura.

La nuesa bandera


Himnu d'Asturies



Asturies, Patria querida,
Asturies de mios amores;

¡Ai!, ¡quién tuviera n'Asturies
en toes les ocasiones!


Tengo de subir al árbol,
tengo de coyer la flor,
y dá-yla a la mio morena
que la ponga nel balcón,


Que la ponga nel balcón,
que la dexe de poner,
tengo de subir al árbol
y la flor tengo coyer.


Escudu d'Asturies

La música del himnu d'Asturies débese a Xentiquina. Gracies

Les ablanes

Les ablanes, en garapiellos o soles, son un frutu de la seronda. Tienen muncha importancia na nuesa cultura y tradición.

Equí tienes más información sobre ello.


Gracies a La Nueva España-La oreya verde

24/10/12

A la gueta, ¡cuidáu col airón les castañes!

Dir a la gueta les castañes ye propiu desta época.

Si l'amagüestu ye algo que te presta... enantes toca dir "a la gueta". Asina que non tengas galbana y entérate bien.


Señala en daqué oriciu desta castañal y sedrás quien a dir a la gueta les castañes.

 
http://photopeach.com/album/jmf8m0

23/10/12

A la gueta les castañes

Martin de segundu B aportonos güei unes castañes y cuntonos que yera eso de dir a la gueta les castañes.



Señala con ganes nes morgaces o les castañes y sedrás quien a velo.

Munches gracies Martin, por compartirlo con nos.

Incidencias na clas de Llingua

Resulta  que tenemos un problema na clas...

Ayeri llunes pela tarde hubo actividaes na nuesa clas de Llingua .

 Esti maestru non sabe qué o cómo faen estes actividaes pela tarde, supónse que son clases.

Pues ... resulta qu'esta mañana, al dir a desplicar la seronda y los sos frutos a un grupo-clas d'escolinos.... atopámonos que aquello que con tanto procuru había aportau Marta y que diba servir d'esplicación al maestru había desapaecío.


Total... les clases de varios cursos frayaes pola "bona intención" dalgunos.

El casu ye que el nuesu material que ta na nuesa clas y que ye'l nuesu trabayu... alguien non sólo non lo respeta, sino que dedícase a estrozalo o desapaecelo.

Al mi entender estes actividaes que se desarrollen  fuera del horariu llectivu... deben respetar la llabor de este edificiu y desta clas. Si non m'enquivoco ye un colexu y una clas, polo que ellí desarrollamos y facemos nel horariu escolar maestros y escolinos  debe caltenese y respetase.

GRACIES por dexar la clas nes mismes condiciones que te la dexen.

GRACIES por usar un material y devolvelu destrozáu.

GRACIES por  respetar el cartelu de "Non tocar" d'una clas que non ye la tuya y colar coles coses que non son tuyes desapaeciéndoles.
GRACIES por facilitar el non poder dar les clases normales del colexu.

GRACIES por estrozar les ilusiones d'unos rapacinos.

TOTAL... el ser educáu non cuesta nada.

Non sé que diríaes si esto vos lo fiziesen a vosotros ¿Non te paez?

Si daquién se siente ofendíu... siéntolo nel alma, pero la llabor de los escolinos y el espaciu onde desarrollen esta actividá educativa (colexu) son lo primero. Les otres actividaes tienen la so importancia pero non tienen que acabar ni trastornar el normal funcionamientu de les clases.

Santiago Cubillas

21/10/12

Chalaneru por Chus Pedro, Victor Manuel Ramon Prada y Tejedor











Esta ye una versión diferente a la del llibru de sextu.

Espero que vos preste.


"Ai Pinín"










"Lo prometío ye deuda"
Prometivos dir poniendo entraes con música y grupos. Pues esta canción tien que ver con una versión que vos apaez nel llibru.

Amás pol motivo que ya vos cunte y poles persones que la cancian ye algo especial pa min.




En memoria de Carlos e Igor de "Felpeyu"

Ai Pinín


Ai, Pinín, cásate comigo,
que mio padre va dame bon dote.
Tengo yo munches caseríes,
toles tengo yo nel cocorote.

D'equí a Somió too ye de mio,
de Somió acá too ye de mio pa.
Mira qué suerte vas a tener
cuando me lleves a mi de muyer.

Tengo una bona casería
mesmamente metá de Perlora,
con unes cuentas tierriquines
que les tengo, Pinín, de memoria.

Tengo un güertín, tengo un güertín,
que tou l'añu me da perexil,
y un mazanal, y un mazanal
que les mazanes me valen a rial.

En casándome mio pa dame
una cama que ye de madera,
y sólo-y falten los llargueros
y dos pates pa la cabecera.

Tamién me da bon colchoncín,
que nun tien llana, nin fueya, nin clin,
y pa con él un cabezal
fechu da paya robao nun payar.

De maíz, fabes y patates
cueyo al añu dosmil celaminos,
pero tolos cueyo n'andecha
cuando me llamen los nuesos vecinos.

Y na cubil tengo tamién
una marrana que cien años tien,
tengo un gochín, tengo un gochín,
pa que-y lu cebe, del señor Pachín.

Ai, Pinín, cásate comigo,
que mio padre va dame bon dote.
Tengo yo munches caseríes,
toles tengo yo nel cocorote.

D'equí a Somió too ye de mio,
de Somió acá too ye de mio pa.
Mira qué suerte vas a tener
cuando me lleves a mi de muyer.



20/10/12

A la gueta la pallabra

Si yes de los quier aprender el pallabreru asturianu y amás quies xugar... equí tienes un xuegu prestosu.

Señala na semeya.


"Has de convidar a esti xuegu a los tos parientes, asina vas pasar un momentín bien prestosu."
(El Demoniu Manegueru)

19/10/12

!Auxiliuuuu...!



Los tos collacios precisen de los tos poderes detectivescos.

Has de descubrir unos códigos secretos.

¿Sedrás quien a ello?

Aldivina




Sedrás quién a ser un bon aldivinu o bona aldivina?

¿Yes un magu o una maga?

Entós ... no tengo dicite ni un ris pa saber lo que tienes que facer...

¿Yes bon detective?



Has d'echa-y un gabitu al Demoniu Manegueru pa descubrir estos personaxes.

Pa ello has de ser quien a calcar col punteru percima de les güelgues.

Los animales quieren xugar contigo



Los animalinos quieren xugar contigo.

Calca percima del más te preste y entamará'l xuegu.

¿Échesme un gabitu?




¡Vaya barullu!

¡Vas tener qu'échame un gabitu!

Téngolo too desordenáu y preciso de tí. 

¿Échesme un gabitu?

Calca na lletra A y cola conmigo pela puerta pa dientro...

El faru d'Iyán. Estaya 2



18/10/12

¡Colamos de viaxe!

Los escolinos de quintu y sextu de Llingua Asturiana colamos de viaxe. 



Tamos nello preparándolo.

Esti llunes ya taremos al tanto de too ello.

Mientres... equí tan les pistes  onde s'encamina esta aventura.


Vídeo de Colamos de Xixón: El’s trip to 6 cities including and Puerto Vallarta was created with TripAdvisor TripWow!

Animales

Resulta qu'estos animalinos tan asustadísimos porque tan esperando que y-os abras la portiella del prau...

¡A qu'esperes!


Calca na semeya
Gracies a Puertu Asturies

La Seronda

Esti ye'l tiempu les castañes y.... munches coses más.

¿Sedrás quien aldivinalo?

Umm... Señala la semeya y...


¡¡A xugar!!
Gracies a Puertu Asturies

El capitán Sablazu



El Capitán Sablazu.-

Paez que vos resulta interesante esta unidá, por ello dexovos equí algo que vos va prestar.

¡Claru que sí! Tamién tien munchos xuegos.
Por ciertu que ye una llabor pertrabayada de Xulio Berros.

Tamién atopareis la páxina de Puertu Asturies con munches coses y un gran trabayu por parte de Saruman.

Si vos peta podéis colar a esti enllaz que ye la páxina personal de Xulio Berros onde atopareis más cosucas desti escritor y conocelu muncho meyor.

Toi seguru que vos va llamar l'atención.

Si señalaes percima'l barcu del Capitán Sablazu acolumbrareis tolo que tamos falando.

Gracies a Puertu Asturies y a Xulio Berros.


17/10/12

Los frutos de la Seronda

Marta González de segundu B tuvo estos días pel monte y apúrrenos frutos desti tiempu.

La verdá ye que ye bien entretenío y prestosa esta llabor que nos ofrez. 

¿Conocés vosotros estos frutos? Calca na semeya pa echa-yos una güeyada bien grande y acolumbrálos.

Diz el demoniu Manegueru que: 

- "Munches gracies a tí y a los tos parientes por acercánoslos a la clas y asina ser quien a velos"

¡Gracies Marta!

Visítanos la Muerte Mesada.

Daniel Arango de cuartu C  tráxonos güei de visita a la "Muerte Mesada".... y non tien medrana.

La verdá ye que ta fechu un valiente y además riése sin parar.

Ye una llabor bien prestosa y compártela con toos nosotros.

¡Norabona Dani!