15/1/18

Pueros d'Asturies. Pallabres sinónimes.






































Puertu de Xixón


Tamos tratando en clas los sinónimos y tamién los puertos de mar y de montaña n'Asturies.


Puertu de Payares 1920. Carretera de Busdongo




Nesta ocasión vamos trabayar colos puertos d'Asturies.

Presta atención y pon procuru pa ser quien facer la xera que Santiago va encomendate.















19/12/17

Los tres Reis (villancicu)


























Los tres Reis



Enriba tres camellos,
y fartucos de ñeve,
baxen de les montañes
tres reis del Oriente.

El vieyu ye Melchor,
el prietu Baltasar,
y el del camellu coxu,
que va en mediu, ye Gaspar.

De nueche, los tres magos,
mientres los neños duermen,
entren peles ventanes
a trae-yos los xuguetes.

El vieyu ye Melchor,
el prietu Baltasar,
y el del camellu coxu,
que va en mediu, ye Gaspar.

Nun dexes ná nel platu
nin "saltes más a peres",
qu'ellos, per un furacu,
ven lo que fai la xente.


El vieyu ye Melchor,
el prietu Baltasar,
y el del camellu coxu,
que va en mediu, ye Gaspar.




 


Gracies a Nacho Fonseca y a "Xentiquina"





Equí débese a Nacho Fonseca y "Seliquín"




Los tres Reis Magos por Nuberu. (villancicu).













Esti ye un cancíu del grupu asturianu Nuberu.
Trátase d'un villancicu.
Has d'estremar les diferencies ente'l cantar d'aguilandu y el d'un villancicu.
Espero vos preste tantu como a mín.



LOS TRES REIS MAGOS



Vienen tres Reis Magos
per xunto al ríu.
Vienen tres reis magos
per xunto al ríu.
Vienen dende perlloñe
muertos de frío.

Van caminando per un camín
Van entrugando por un rapacin.

Unu yera pervieyu,
otru, medianu.
Unu yera pervieyu,
otru, medianu.
Otru yera un bon mozu,
yera asturianu.

Van caminando per un camín
Van entrugando por un rapacin.

El más vieyu de toos,
dixo tremando.
El más vieyu de toos,
dixo tremando.
Si nun llegamos ceu
vamos xelamos.

Van caminando per un camín
Van entrugando por un rapacin.

Entós el más mozu
dixo perseriu.
Entós el más mozu
dixo perseriu.
Aguanto bien el frío
por ver al neñu.

Van caminando per un camín
Van entrugando por un rapacin.













Un cantar d'aguilandu.
















Cursu 2017-18


















Esti ye un cantar d'aguilando que toca el grupu "La Bazanca" de Castiella y que va recoyendo esos cantares tradicionales que tan casi escaecíos.  

Grupu "La Bazanca" - Paco Díez. 
"Aguilandu y Reis". (Asturies).

Grabáu en direutu n'Avientu de 2008 nel Aula Muséu Paco Díez d'instrumentos tradicionales Ibéricos (Mucientes - Valladolid), dientro del ciclu las 10 y 1 nueches.

El conciertu llámase "ente Nuechebona y Reis" e intervienen:
PACO DÍEZ : Voz, guitarra, zanfona, gaites y percusiones.
RAMIRO GONZÁLEZ : Voz, zanfona, laúd, gaita galega y percusión
LUIS MEDINA: Voz, caxón, quixada, cajita, bongos y otras percusiones
MANUEL GARCÍA REÁTEGUI : Voz, guitarra, baxo acústicu, sikus y percusión.
Vídeo Fran Hervada. Soníu Armando Records













18/12/17

El guilandu, guilando, guinaldo, guinaldu.












   Cursu 2.017-18

















Toi entrugándome si de verdá soes tan llistos como paecés.

Nun sé yo si vaes ser quien resolver esti misteriu tan misteriosu:




Los "guinalderos" o "guilanderos".


  • ¿Qué prendes de vistir te llamen l'atención?


  • ¿Visten la tiesta?


  • ¿Y el calzáu?


  • ¿Tan vistíos pala ocasión, colo meyor que tienen? ¿Esa ropa, pónenla tolos díes?


  • ¿Quien va vistíu diferente y porqué?


  • ¿Pa que val el palu que lleven los guilanderos?


  • ¿Qué ye la "goxa"?


  • ¿Qué guarden nel zurrón?

  • ¿Qué-yos apurre de "guinaldu" l'ama d'esta casa?

  • ¿Qué fae cómo cortesía ya educación quien s'encarga de recibir el guilandu na goxa? (Pista: tien que ver cola prenda de vistir la tiesta)


  • ¿Cómo viste l'ama de la casa









¿Cuála ye esta prenda? ¿Pa que sirve?








¿Y esto, qué ye, pa que sirve?








  • Esto nun ye una mochila, ¿qué ye? Pa qué s'usa?




  • ¿Quien son esta xente? ¿Qué faen? 

  • ¿Aseméyense a daqué otru retratu desta entrada?

  • ¿En qué crees que s'asemeyen?








  • ¿Qué crees que ye lo que ta equí retratáu?


  • ¿Paézse a daqué que conozas?


  • ¿Estremes les diferencies y no que ye asemeyáu? ¿En qué?








Si fuisti quien responder bien toles entrugues.... resulta que ya yes un avezáu sabiu desti tema y ficisti una perbona investigación al casu.




13/11/17

Una de mieu






















Cursu 2.017-18

























UNA DE MIEU

Esnala que t'esnala
va un esperteyu,
salió de la ventana
d’aquel castiellu.

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.
Rellámpagos a esgaya
vense nel cielu,
qu'allumen venti bruxes
en plenu vuelu.

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.

Yo que yera'l más gallu
de la quintana
toi yá que nun m'aguanto
de la medrana.

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.

Yá toi sintiendo pasos
pel pasillu,
y púnxoseme'l pelo
como un cepiyu.

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.

Oigo una voz dicime
que pa la escuela,
arremello los güeyos...
¡Yera mio güela!

¡Ai qué mieu!
¡Vaya mieu!
Nun voi ser quien a dormir
¡Que non, que non!
Nun voi ser quien a dormir.

"Xentiquina" & Nacho Fonseca





Pallabreru:

esnalar
esperteyu
nun ser quien
ser el más gallu
a esgaya
allumar
medrana
quintana
tar ensin aguantase
sintir ruíu
cepiyu
güeyos
arremellar


9/11/17